नागपुर संस्करण
समाचार

'दिशा-३०'चे विद्यार्थी व पालकांचे दीपावली स्नेहमिलन

📅 16 नव॰ 2026 ✍️ Vsk 👁 7 बार देखा
'दिशा-३०'चे विद्यार्थी व पालकांचे दीपावली स्नेहमिलन

नागपूर: राष्ट्रीय स्वयंसेवक संघाचा सेवा विभाग आणि डॉ. हेडगेवार स्मारक समिती, नागपूर यांच्यावतीने चालविल्या जाणाऱ्या ‘सेवा दिशा-३०’ या सेवा प्रकल्पातील विद्यार्थी व पालकांचे दीपावली स्नेहमिलन नुकतेच आयोजित करण्यात आले होते.

या कार्यक्रमाला संघाचे विदर्भ प्रांत प्रचारक श्री. गणेशजी शेटे आणि डॉ. हेडगेवार स्मारक समितीचे सचिव श्री. अभय अग्निहोत्री प्रमुख पाहुणे म्हणून उपस्थित होते.

यावेळी गणेशजी शेटे यांनी डॉ. हेडगेवार स्मारक समितीच्या माध्यमातून सुरू असलेल्या विविध उपक्रमांची तसेच संघाच्या सेवा विभागाकडून समाजासाठी राबविण्यात येणाऱ्या सेवाकार्यांची माहिती दिली. विद्यार्थ्यांनी शैक्षणिक प्रगतीसोबतच सामाजिक जीवनातील आपली भूमिका आणि जबाबदारी यांचेही भान ठेवावे, असे ते म्हणाले.

‘दिशा-३०’ प्रकल्पातील विद्यार्थी सध्या आयआयटी मद्रास, आयआयटी कानपूर, आयआयटी पाटणा यांसह देशातील अन्य नामांकित महाविद्यालयांमध्ये शिक्षण घेत आहेत. या विद्यार्थ्यांना विद्यार्थी जीवनातील शिस्त, ध्येयनिष्ठा आणि सामाजिक जीवनातील योगदान यासंदर्भात मार्गदर्शन करण्यात आले.

या वेळी सिटी प्रीमियर कॉलेजचे श्रीरंग पेशवे, श्री. यतींद्र नाडकर्णी यांच्यासह अन्य कार्यकर्ते उपस्थित होते.

संबंधित लेख