
परंपरेची ओढ, आधुनिकतेची वाट!
दिवाळीची धामधूम संपली आणि शिल्लक असलेल्या सुट्ट्यांमध्ये पचमढी आणि नर्मदापूरमला जाण्याचा योग जुळून आला. आम्ही यापूर्वी अनेकदा पचमढीला गेलो आलो आहोत. परंतु, यंदा मुद्दाम नर्मदा नदीचे दर्शन आणि तिची आरती अनुभवण्याचे निश्चित केले. नर्मदापूरम म्हणजे पूर्वीचे होशंगाबाद. नर्मदा नदी ही भगवान शंकराची कन्या आहे, अशी मान्यता आहे. या नदीचा उगम मध्य प्रदेशातील अमरकंटक येथे होतो. आपल्या भारतात गंगा, यमुना आणि सरस्वती या नद्यांना जसे पवित्र स्थान आहे, तसेच नर्मदेलाही आह…












